Çox asan ...

Çox asan görünər dərk etmək Onu,
Lakin heyrət olar bu işin sonu.
Böyük Yaradanı duymağa meyar
Dəlildən, qiyasdan başqa nə olar?!
Ağıl qiyas ilə çalışıb durar,
Onu dərk etməkçün dəlil axtarar.
Düşüncənə daha yol vermə artıq,
Qarşına dağ çıxar, ya da qaranlıq.
İdrakın çatırsa Vahid Allaha,
«Nədir və necədir?» – soruşma daha.
İşıq axtardığın alovlu şamdan
Onun təkliyinə sübut taparsan.

Nizami Gəncəvi