Aleykumus-salam. Heyz qurtardıqdan sonra gələn qan istihada qanı adlanır. Və lakin siz bu qanın heyz olub olmadığını dəqiqləşdirməlisiniz. Əgər heyzdən sonra gəlirsə bu qan istihada adlanır, və bu qan orucu pozmur. Aişə r.a dedi: Fatmə bint Əbi Cahş çox vaxt istihadə olurdu. Peygəmbər s.a.s ona dedi: " Heyz qara rəngdə bilinən qandır, əgər heyz gəldikdə namaz qılma, ayrı qan ( istihadə ) gəldikdə isə dəstəmaz al namaz qıl " ( hədisi Əbu Davud, Nəsəi, İbn Hibban və Daruqutni rəvayər etmişlər ) Bu hədis göstərir ki heyz olan qadın namaz qılmır və həmçinin orucda tutmur, istihadə olan qadın isə namazda qılır orucda tutur. 
Mədinə Beynəlxalq İslam unversitetinin məzunu Ramil Soltanov.
Azerislam.com

Buna aid heç bir dəlil-sübutun olmamağı onu göstərir ki, bunu etmək caiz deyildir.

Azerislam.com

1) Bu təqvimlər arasında elə bir ciddi fərq olmadığından siz ixtiyari bir təqvimi götürüb onunla orucunuzu tuta bilərsiniz. Çünki bütün təqvimlər təxmini olaraq verilir. Lakin biz öz yazdığımız təqvimə cavabdehik.

2) Əgər siz Ramazan ayında verilən fitrə zəkatını nəzərdə tutursunuzsa onda bu zəkatı pulla vermək olmaz. Fitrə zəkatı un, xurma, kişmiş, düyü, buğda və başqa bu kimi ərzaq məhsullarından verilir. Bu zəkatın miqdarı adam başına üç kiloqramdır. Fitrə zəkatı kasıblara verilir.

Əgər siz varlılar üçün vacib olan zəkatı nəzərdə tutursunuzsa, onda bu zəkatı (əgər zəkatını verəcəyiniz mal qızıl, gümüş və ya ticarət malıdırsa) pulla vermək olar. Belə ki, sizin qızılınızın miqdarı 85 qrama çatdıqdan sonra bunun üzərindən bir il keçərsə və bu il müddətində qızılınızın miqdarı 85 qramdan aşağı düşməzsə ilin tamamında əlinizdə olan qızılın qırxda birini (yəni 2,5 faizini) zəkat verməlisiniz. Həmçinin sizin pulunuzun miqdarı 85 qram qızıl ekvivalentinə çatdısa bunu da hökmü yuxarıda qeyd etdiyimiz kimidir. Bu zəkat aşağıdakı səkkiz sinif insanlara verilir: Uca Allah buyurur: “Sədəqələr (zəkatlar) Allah tərəfindən müəyyən edilmiş bir fərz (vacib əməl) olaraq ancaq yoxsullara, (ehtiyacı olan, lakin utandığından əl açıb dilənməyən) miskinlərə, zəkatı yığıb-paylayanlara, ürəkləri (müsəlmanlığa) isinişib bağlanmaqda olanlara (iman gətirib hələ kamil mömin olmayanlara), azad ediləcək kölələrə (və ya boynuna kəffarə düşüb verə bilməyənlərə), həmçinin (borcunu ödəməyə imkanı olmayan) borclulara, Allah yolunda cihad edənlərə və yolçulara (pulu qurtardığı üçün yolda qalan, vətənə qayıda bilməyən müsafirlərə) məxsusdur. Allah (hər şeyi) biləndir və hikmət sahibidir.” (ət-Tövbə surəsi 60-cı ayə).

3) Bəli, Ramazan ayında təravih namazı tək qılına bilər. Bu namaz tək qılındıqda da 11 rükətdən ibarətdir.

4) Bəli Qədr gecəsini evdə ibadətlə keçirmək olar. Bu zaman Quran (Azərbaycan dilində) və ya başqa elmi xarakterli dini kitablar oxumaq olar.

Bəli məşğul ola bilərsiniz.

Azerislam.com

Bunun üçün xüsusi bir dua yoxdur.Bismillah deyib başlamağınız kifayət edər

Azerislam.com

Olar.

Aişə (r.a) rəvayət edir ki: “Mənim Ramazan ayından orucum qəzaya qalardı və mən onun qəzasını Şaban ayında tutardım.”(Bu hədisi Buxari və Muslim rəvayət etmişdir)

Bəli, iftardan sonra vitaminli iynələr vurdura bilərlər.

Azerislam.com

Oruc tutmaq üçün məxsusi bir qüsl yoxdur.

Pak olmaq üçün isə sadəcə qüsl etmək kifayətdir.

Ramazan ayını oruc tutmaq üçün ay girməmişdən niyyət etmək kifayətdir. O ki qaldı niyyət etməyə, qeyd etmək lazımdır ki, niyyətin yeri qəlbdir, bunu tələffüz etmək isə dində yenilikdir. Peyğəmbər (səllallahu aleyhi və səlləm) demişdir: “Əməllər niyyətlərə görədir və hər kəsin niyyət etdiyi bir əməl vardır. Kimin hicrəti Allah və Onun rəsulu (hər ikisinin buyruqlarını yerinə yetirmək) üçündürsə, onun hicrəti (etdiyi hər bir əməl) Allah və Onun rəsulu (hər ikisinin razılığını qazanmaq) üçündür.(Onun savabını Allah verir.) Kimin də hicrəti dünyaya nail olmaq və ya qadınla evlənmək üçündürsə, onun hicrəti niyyət etdiyində tamamlanır.(İstədiyinə yalnız bu dünyada nail olur.)”(Bu hədisi Buxari və Muslim rəvayət etmişdir.)

Azerislam.com

1) Ramazan ayında dodaq boyasından istifadə etdikdə oruc pozulmur. Lakin onu da qeyd etmək lazımdır ki, dodaq boyasından istifadə etməkdən çəkinmək daha yaxşıdır. Belə ki, onun mədəyə düşmək ehtimalı çoxdur.

2) Bu məsələni də iki hissəyə bölmək gərəkdir:

- Namazın gərəksiz olduğunu etiqad edən şəxs kafirdir və oruc tutmağının heç bir faydası yoxdur; Peyğəmbərdən (səllallahu aleyhi və səlləm) soruşduqda

o demişdir: “Bizimlə onların (kafirlərin) arasında olan əhd namazdır. Hər kim onu tərk etsə, küfr etmiş olar.”

- Səhlənkarlıq ucbatından namazı tərk edən şəxsin orucunun qəbul olub-olunmaması isə Allaha aiddir.

3) Bəli hicab taxmaq hər bir müsəlman qadının borcudur. Uca Allah buyurur: “Mömin qadınlara da de ki, gözlərini haram buyurulmuş şeylərdən çevirsinlər (naməhrəmə baxmasınlar), ayıb yerlərini qorusunlar (və ya örtülü saxlasınlar); öz-özlüyündə görünən (əl, üz) istisna olmaqla, zinətlərini (zinət yerləri olan boyun. Boğaz, qol, ayaq və s. naməhrəmə) göstərməsinlər; baş örtüklərini yaxalarının üstünə çəksinlər (boyunları və sinələri görünməsin);....” (ən-Nur surəsi 31-ci ayə).

Oruc tutmaq istəyən şəxs yalnız bunu qəlbində niyyət etməlidir. Bu niyyəti dillə tələffüz etmək düzgün deyildir. Çünki Peyğəmbər (sallallahu aleyhi və səlləm) belə etməmişdir. Səhər yeməyini yedikdə deyilən duaya gəlincə onu qeyd etmək lazımdır ki, bunun üçün xüsusi bir dua yoxdur. Odur ki, oruc tutan şəxs həmişə olduğu kimi səhər yeməyinə başladıqda “Bismilləh” deyir, qurtardıqdan sonra isə “Əlhəmdulilləh” deyir. Axşam orucunu açdıqda isə xüsusi ilə bu duanı deyir: “Zəhəbəz-zəmə’u vabtəllətil-uruq va səbətəl-əcr inşaallah”(Allahın istəyi ilə susuzluq keçib getdi, damarlar islandı, Allah istəsə mükafatı sübuta yetər).

“Allahümmə inni əs'əlukə birəhmətikəl-ləti vasiat küllə şeyin ən təğfira li” (Allahım, Sənin hər şeyi əhatə edən mərhəmətinlə Sənə yalvarıram ki, məni bağışla). Bu duaları Azərbaycan dilində də demək olar.

 Bəli çəkə bilər. Lakin onu da qeyd etmək lazımdır ki, dodaq boyasından istifadə etməkdən çəkinmək daha yaxşıdır. Belə ki, onun mədəyə düşmək ehtimalı çoxdur.

Azerislam.com

Salamlaeykum.

Siz səhurunuzu (Oruc tutanın səhər yeməyi) sübh əzanının vaxtına qədər davam etdirə bilərsiniz.

Xeyir pozmur. Lakin bunu etdikdə ehtiyatlı olmalıdır ki boğazdan su daxil olmasın. Onu da qeyd edək ki, bunları zəruri səbəb olmadan etmək yaxşı hal deyildir.

Azerislam.com

 Əs-Sələmu aleykum və rahmətullahi və bərakətuhu! Ailənizin sizə oruc tutmağa icazə verməməsinin müxtəlif səbəbləri ola bilər. Əgər ailəniz sizə oruc tutmağa xəstə olduğunuza və ya həddi buluğa çatmadığınıza görə icazə vermirsə onda ailənizə tabe olmalısınız. Lakin xəstəliyə görə tərk etdiyiniz orucların qəzasını sağaldıqdan sonra tutmalısınız. Əgər ailəniz sizə səbəbsiz olaraq icazə vermirsə onda bu əməldə ailəyə tabe olmaq Uca Allaha asi olmaq deməkdir. Çünki Uca Allah Ramazan ayının orucunu sağlam, həddi buluğa çatmış və ağlı başında olan hər bir müsəlmana vacib buyurmuşdur. Uca Allah buyurur: “Ey iman gətirənlər! Sizdən əvvəlkilərə vacib edildiyi kimi sizə də oruc tutmaq vacib edildi ki, bəlkə (pis əməllərdən) çəkinəsiniz.” (əl-Bəqərə surəsi 183-cü ayə.) Odur ki, bu səbəbə görə orucu tərk etmək olmaz.

Azerislam.com

Əgər hamilə qadın oruc tutan zaman çətinliklə üzləşərsə və ya onun oruc tutması uşağa zərər verərsə bu zaman o, orucunu tərk edir və sonradan həmin günlərin qəzasını tutur. Çünki hamilə qadının halı xəstənin və müsafirin halına bənzəyir. Peyğəmbər (səllallahu aleyhi və səlləm) demişdir: “Həqiqətən, Allah müsafirə orucu və namazın yarısını, hamilə və süd verən qadına isə orucu keçmişdir.”

Azerislam.com

1. Oruc tutarkən səhər durub səhur etmək (səhər yeməyi yemək) şərt deyildir. Odur ki həmin şəxs səhər durmaya da bilər. Lakin səhurda bərəkət olduğu üçün onu etməsi daha yaxşı olardı. Bir şeyi də unutmayaq ki həmin şəxs namaz qılmaq üçün mütləq durmalıdır.

2. Ramazan ayında yalnız dan yeri söküləndən gün batanadək cinsi əlaqəyə girmək olmaz. Qalan vaxtlarda isə bunu etmək olar. Uca Allah buyurur: “İndi isə onlara [qadınlara] yaxınlaşın və Allahın sizin üçün müəyyən etdiyini istəyin [övlada və s. nail olmağa çalışın]. Dan yeri söküləndə ağ sap [şəfəq] qara sapdan [gecənin qaranlığından] seçilənə qədər yeyin-için. Sonra gecəyə qədər [gün batana kimi] orucunuzu tamamlayın.” (əl-Bəqərə surəsi 187-ci ayə).

3. Bu nahar nə qədər vacib olsa da Uca Allahın əmrindən vacib ola bilməz. Odur ki bu səbəbə görə orucu pozmaq günahdır. Uca Allah buyurur: “Ey iman gətirənlər! Sizdən əvvəlkilərə vacib edildiyi kimi sizə də oruc tutmaq vacib edildi ki, bəlkə [pis əməllərdən] çəkinəsiniz.” (əl-Bəqərə surəsi 183-cü ayə). Başqa bir ayədə isə belə buyurur: “Sizlərdən kim bu aya yetişərsə, onu (həmin ayı) oruc tutmalıdır.” (əl-Bəqərə surəsi 185-ci ayə).