Dünən, Aprel ayının 13-də yüzlərlə İndoneziyalı vətəndaşlar, İndonesiyada yenicə fəaliyyətə başlamış “Play Boy” jurnalına öz etirazlarını bildirmək üçün aksiya keçirmişlər. Amerikanın sayılan əxlaqsızlıq jurnalı “Play Boy”-un İndoneziyada da nəşr olunması vətəndaşların qəzəbinə səbəb olub. Onlar redaksiyanın qarşısında yığılaraq redaksiyanın binasını və pəncərələrini daşlamağa başlamışlar.
“İslam Müdafiəçiləri Komitəsi”-nin təşkil etdiyi bu etiraz aksiyasında 300 nəfərdən çox vətəndaş iştirak edib. “REUTER” informasiya agentliyinin xəbər verdiyinə görə, aksiyaçılar binanın qarşısında dayanıb, “Allahu Əkbər” sözlərini qışqıraraq bu jurnalın fəaliyyətinin dayandırılmasını tələb etmişlər.
Aksiya zamanı 90 nəfər polis əməkdaşının xəsarət aldığı bildirilir. Redaksiya işçilərinin çoxu isə, aksiya hücuma başlayarkən binanı tərk etmişlər.
Fransa xəbər agentliyinin xəbər verdiyinə görə isə, aksiya iştirakçılarından saxlanılan olmayıb, ancaq polislər daş atan vətəndaşları yaxalamağa çalışıblar.
“İslam Müdafiəçiləri Komitəsi”-nin əməkdaşı Səlim Əli Həmid İndoneziyada yayımlanan “Alşenta” radio kanalında bildirib ki; “PlayBoy nəşri dayandırmayınca biz hücumlarımızı artıracayıq”
Bu jurnalın İndoneziyada ilk buraxılışı Cümə günü Aprelin 7-də olmuşdur və dünyanın 20 ölkəsində nəşr olunan “Play Boy” jurnalları arasında ən az çılpaq qadın şəkilləri buradadır.
Beləki Cümə Axşamı Aprelin 6-da İndoneziyada fəaliyyət göstərən İslam təşkilatları parlamentə müraciət edərək əxlaqsızlığın qarşısını alan yeni qanunların qəbulunu tələb etdilər.
13.04.2006
