"...Ona bir yol tapa bilən insanın həcc etməsi Allahın insanlar üzərindəki haqqıdır."
[Ali İmran, 97]
Heç bir Müsəlman yoxdur ki, təlbiyə gətirsin, yer üzünün bir ucundan o biri ucuna qədər sağında və solunda olan daş, ağac, torpaq onunla birlikdə təlbiyədə iştirak etməsin.
[Buxari, İman]
Kəbəyə kirlə gəlib nurla gedən hacıdır.
[Hikmətli sözlər]
AİLƏYƏ RƏHM ETMƏK
[ Hədis elmi / 4192 dəfə baxılıb ]
|
عن أنس بن مالك قال كان النبي صلى الله عليه وسلم أرحم الناس بالعيال وكان له بن مسترضع في ناحية المدينة وكان ظئره قينا وكنا نأتيه وقد دخن البيت باذخر فيقبله ويشمه
376. Ənəs ibn Məlik (r.a) rəvayət edir ki, Peyğəmbər (s.a.s) ailəsinə rəhm edən insanların ən rəhmlisi idi. Onun Mədinənin kənarında süd anasının yanında olan bir oğlu (İbrahim) var idi. Süd verən qadının əri dəmirçi idi. Biz onun yanına gəldik. Evdən ətirli qamışın tüstüsünün iyi gəlirdi. Peyğəmbər (s.a.s) onu öpüb iyləyirdi. [ Səhihdir ] عن أبى هريرة قال أتى النبي صلى الله عليه وسلم رجل ومعه صبي فجعل يضمه إليه فقال النبي صلى الله عليه وسلم أترحمه قال نعم قال فالله ارحم بك منك به وهو ارحم الراحمين
377. Əbu Hureyra (r.a) deyir ki, bir kişi qucağındakı körpə uşaqla Peyğəmbərin (s.a.s) yanına gəldi. O, körpəni bərk-bərk qucaqlamışdı. Peyğəmbər (s.a.s) dedi: “Ona rəhm edirsənmi?” Kişi: “Bəli”- deyə cavab verdi. Peyğəmbər (s.a.s) dedi: “Sən ona rəhm etdiyindən daha çox Allah sənə rəhm edir. O rəhmlilərin ən rəhmlisidir.”.
»
