"...Ona bir yol tapa bilən insanın həcc etməsi Allahın insanlar üzərindəki haqqıdır."
[Ali İmran, 97]
Heç bir Müsəlman yoxdur ki, təlbiyə gətirsin, yer üzünün bir ucundan o biri ucuna qədər sağında və solunda olan daş, ağac, torpaq onunla birlikdə təlbiyədə iştirak etməsin.
[Buxari, İman]
Kəbəyə kirlə gəlib nurla gedən hacıdır.
[Hikmətli sözlər]
ƏXLAQININ GÖZƏL OLMASINDAN ÖTRÜ ALLAHA DUA EDƏN KİMSƏ
[ Hədis elmi / 5858 dəfə baxılıb ]
|
عن عبد الله بن عمرو أن رسول الله صلى الله عليه وسلم كان يكثر أن يدعو اللهم إني أسألك الصحة والعفة والأمانة وحسن الخلق والرضا بالقدر
Abdullah ibn Amr (r.a) rəvayət edir ki, Peyğəmbər (s.a.s) çoxlu-çoxlu belə dua edərdi: “Allahım! Səndən can sağlığı, iffətli olmağı, əmanətə xəyanət etməməyi, gözəl əxlaqlı olmağı və qədərdən razı qalmağı diləyirəm!” [ Zəifdir ] عن يزيد بن بابنوس قال دخلنا على عائشة فقلنا يا أم المؤمنين ما كان خلق رسول الله صلى الله عليه وسلم قالت كان خلقه القرآن تقرؤن سورة المؤمنين قالت اقرأ قد أفلح المؤمنون قال يزيد فقرأت قد أفلح المؤمنون إلى لفروجهم حافظون قالت كان خلق رسول الله صلى الله عليه وسلم
Yezid ibn Babənus rəvayət edir ki, biz Aişənin (r.a) yanına gəlib dedik: “Ey möminlərin anası! Rəsulullahın (s.a.s) əxlaqı necə idi?” O dedi: “Onun əxlaqı Qur'an idi. “Möminlər” surəsini oxuyursunuzmu? Oxu: “Həqiqətən, möminlər nicat tapmışlar”. Mən də oxudum: “Həqiqətən, möminlər nicat tapmışlar; o kəslər ki, namazlarında mütidirlər, o kəslər ki, lağlağılıqdan üz çevirirlər, o kəslər ki, zəkat verirlər, o kəslər ki, öz cinsiyyət üzvlərini (hamıdan) qoruyurlar”. (əl-Mu'minun, 1-5.) Aişə (r.a) dedi: “Rəsulullahın (s.a.s) əxlaqı belə idi”. [ İsnadı zəifdir ]
»
