"...Ona bir yol tapa bilən insanın həcc etməsi Allahın insanlar üzərindəki haqqıdır."
[Ali İmran, 97]
Heç bir Müsəlman yoxdur ki, təlbiyə gətirsin, yer üzünün bir ucundan o biri ucuna qədər sağında və solunda olan daş, ağac, torpaq onunla birlikdə təlbiyədə iştirak etməsin.
[Buxari, İman]
Kəbəyə kirlə gəlib nurla gedən hacıdır.
[Hikmətli sözlər]
KÖLƏYƏ TƏRBİYƏ VERMƏK
[ Hədis elmi / 4182 dəfə baxılıb ]
|
يزيد بن عبد الله بن قسيط قال أرسل عبد الله بن عمر غلاما له بذهب أو بورق فصرفه فأنظر بالصرف فرجع إليه فجلده جلدا وجيعا وقال اذهب فخذ الذي لي ولا تصرفه
Yezid ibn Abdullah ibn Quseyt rəvayət edir ki, Abdullah ibn Ömər (r.a) öz köləsinə qızıl, yaxud gümüş verib onu iş dalınca göndərdi. O, bu pula alver etdi və malı nisyə aldı. Sonra ibn Ömərin (r.a) yanına qayıtdı. İbn Ömər (r.a) onu qamçı ilə vurub dedi: “Qayıt, mənə lazım olan şeyi al və nisyə alver etmə”. [ İsnadı həsəndir ]
عن أبي مسعود قال كنت أضرب غلاما لي فسمعت من خلفي صوتا اعلم أبا مسعود! لله أقدر عليك منك عليه فالتفت فإذا هو رسول الله صلى الله عليه وسلم قلت يا رسول الله فهو حر لوجه الله فقال أما إن لو لم تفعل لمستك النار أو للفحتك النار
Əbu Məsud (r.a) deyir ki, mən öz köləmi vururdum. Birdən arxamdan səs eşitdim: “Ey Əbu Məsud! Bil ki, sən cəza verməyə qadir olduğundan daha çox Allah sənə cəza verməyə qadirdir”. Dönüb gördüm ki, (arxamda dayanan) Peyğəmbərdir (s.a.s) Dedim: “Ey Allahın elçisi! Mən onu Allahın Üzü xatirinə azad edirəm”. O dedi: “Əgər sən belə etməsəydin Cəhənnəm odu sənə toxunar, yaxud səni yandırardı”. [ Səhihdir ]
»
