O kəslər ki, ayaq üstə olanda da, oturanda da, uzananda da Allahı yad edir, göylərin və yerin yaradılması haqqında düşünür (və deyirlər:) “Ey Rəbbimiz! Sən bunları əbəs yerə xəlq etməmisən. Sən pak və müqəddəssən. Bizi Odun əzabından qoru!
[Ali İmran, 191]
Səmanı və yeri yaratdığı gündən bəri Allahın infaq etdiklərini düşünün!
[Buxari, Təfsir, 11/2, Tövhid 22]
Düşünmədən öyrənmək vaxt itirməkdir.
[Konfutsi]
QAZILAR ŞURASI FƏTVA VERİB
Qafqaz Müsəlmanları İdarəsinin (QMİ) Qazılar Şurası Ramazan ayı münasibətilə fətva verib. Bu barədə idarənin mətbuat xidmətindən bildirilib. QMİ həddi-büluğa çatan müsəlmanlara oruc və namaz vaxtlarını idarənin Azərbaycan Milli Elmlər Akademiyasının Şamaxı Astrofizika Rəsədxanası ilə birgə tərtib etdiyi orucluq cədvəlinə müvafiq nizamlamağı tövsiyə edir. Cədvələ görə, Mübarək Ramazan ayının 1-i bu il miladi tarixlə oktyabrın 5-ə təsadüf edir. Builki orucluğun niyyət axşamı oktyabrın 4-ü axşamıdır. Noyabrın 3-də bayram axşamı, 4-də Ramazan bayramıdır. Namaz vaxtları Ağdamda +11, Astarada +2, Gəncədə +14, Qazaxda +19, Qubada +6, Lənkəranda +3, Saatlıda +7, Sabirabadda +5, Şamaxıda +6, Şəkidə +12, Xaçmazda +10, Yevlaxda +11, Naxçıvanda + 17, Göyçayda +8, Zaqatalada +14 dəqiqə Bakı vaxtından sonradır.
»
