O kəslər ki, bir pis iş gördükdə, yaxud özlərinə zülm etdikdə Allahı xatırlayıb günahlarının bağışlanmasını diləyərlər, – günahları Allahdan başqa kim bağışlaya bilər? Və onlar etdiklərini (gördükləri işin pis olduğunu) bildikdə bir daha onu təkrar etməzlər.
[Ali imran, 135]
Müsəlman, insanların əlindən və dilindən əmin olduğu insandır.
[Tirmizi, İman 12]
Sadəcə iman edib Saleh əməl işləmək insanı "yaxşı" edər. Haqqı və səbri tövsiyə etmək isə insanı "aktiv yaxşı" edər.
[Hikmətli sözlər]
.
ELM
[ Oxu! / 3607 dəfə baxılıb ]
|
1. Məqsədsiz olmayın. Məqsədsiz olmaq insanlığın içərisində “tullantı/curuf” olmağa namizəd olmaqdır. Yaradılış məqsədiniz barəsində ciddi düşünün. Kainat içərisində insanlığın, insanlıq içərisində mənsub olduğunuz ümmətin, ümmət içərisində şəxsiyyətinizin vəzifə və məsuliyyətləri barəsində düşünün. Rolunuzu yaxşı oynamaq, onun nədən ibarət olduğunu bilməklə mümkündür.
2. Siz “Həzrəti İnsan”sınız. Özünüzü tanıyın. Hər şey sizdə başlayır. Məxluqatın onurğa sütunu olduğunuzu unutmayın. İnsan həm yoldur, həm yolçu. Yolçu yolu tanımaq istəyirsə özünü tanımalıdır. Məziyyətlərini, üstünlüklərini, düşkünlüklərini, məsuliyyətlərini, hüquqlarını…
3. İnsanı tanımaq istəyənlər bilməlidirlər ki, öyrənmə qabiliyyəti insanı insan edən əsas keyfiyyətlərdən biridir. Digər bütün məziyyətlərinin də “bilmə”yə bağlı olduğunu heyrətlə görəcək.
4. Cəhalətdən, vəbadan qaçan kimi qaçın. Elm, həqiqi məziyyətdir. İman belə elmlə başlayır: Mərifətullah. Sizi həqiqətin elminə qovuşduracaq qaynaqları kəşf edin. Bu kəşfin ən ümumiləşdirilmiş adı «oxumaq»dır. “Oxu” əmri, bir möcüzə əsəri olan Quranın nazil olan ilk ayəsinin ilk kəlməsidir. Oxuyan sadəcə göz deyil, həm də qulaq, burun, dil, zehin, qəlb, ruh, ağıl, təsəvvürdür. Amma hər birinin oxumaq formaları fərqlidir.
5. Elmə sahib ola bilmək dünyada sahib oluna biləcək sərvətlərin ən xeyirlisidir. Çünki elm həqiqi krallıqdır.
6. Elm əldə etməkdə birinciliyi təcili ehtiyaclara verin. Təbii ki, bunun üçün də oxuma obyektinə hər yönəldiyinizdə "Mənim bu elmə ehtiyacım varmı?" sualını özünüzə verməlisiniz.
7. Belə ki, elmi, dini və dünyəvi olaraq iki qismə ayırmaq doğru deyildir. Bir möminin dünyası dinindən, dini dünyasından ayrı deyildir. Məsləyinizin elmi sizin "elmi-halınızdır." Bu, eynilə axirətinizin elmi kimi lazımlı və faydalıdır.
8.Elm hamballığından cəhalətdən qaçdığınız kimi qaçın. Unutmayın ki, Allah Rəsulu faydasız elmdən Allaha sığınmışdır. Faydasız elm zehnin daşıdır, atılmalıdır. Bəzən zehin daşı böyrək daşından daha təhlükəli olur və müalicəsi də çətindir. Böyrək daşını lazer şüaları ilə parçalamaq mümkün ikən zehin daşını parçalamaq az qala qeyri-mümkün olur. Əllamə [1] ilə alimi, əllaməliklə elmi qarışdırmaq alimin kim, elmin də nə olduğunu bilməməkdir. Elmin və alimin tərifini «Qulları içərisində Allahdan layiqi ilə ancaq alimlər qorxar» ayəsi ilə dərk edə bilərsiniz.
«Çünki namaz möminlərə müəyyən vaxtlarda fərz edilmişdir» [ ən-Nisa, 103 ]
Azerislam.com - Müstəqil islam saytı. Bu layihə 1422-ci hicri ilinin Ramazan ayının 1-dən fəaliyyət göstərir. Materiallardan istifadə etdikdə istinad vacibdir.
»
1. Məqsədsiz olmayın. Məqsədsiz olmaq insanlığın içərisində “tullantı/curuf” olmağa namizəd olmaqdır. Yaradılış məqsədiniz barəsində ciddi düşünün. Kainat içərisində insanlığın, insanlıq içərisində mənsub olduğunuz ümmətin, ümmət içərisində şəxsiyyətinizin vəzifə və məsuliyyətləri barəsində düşünün. Rolunuzu yaxşı oynamaq, onun nədən ibarət olduğunu bilməklə mümkündür. 
