Uşağın Həcci qəbuldurmu?

[Humeyra]

Uşağın Həcci qəbuldurmu ?

Sual: Mən həddi-büluğa çatmamış oğlumu özümlə Həccə aparmaq istəyirəm. Onun Həcci qəbuldurmu?

Cavab: Allaha həmd olsun!
Alimlər uşağa Həcc və Ümrənin vacib(fərz) olmadığı məsələsində ümumi rəydədirlər. Çünki hədisə əsasən həddi-büluğa çatmamış (yəni cinsi yetişgənliyə çatmamış) uşaqdan qələm qaldırılmışdır.
Allah Rəsulu (səllallahu aleyhi və səlləm) buyurmuşdur: " 3 qrup insandan qələm qaldırılmışdır (yəni, haqq hesab olunmayacaq): həddi büluğa çatanadək uşaqdan, ağlı başına gələnədək dəlidən, yuxudan ayılanadək yatandan"Əbu Davud 4403, İbn Macə 2041.
Qaldı ki, könüllü şəkildə, yəni kimsə əlavə savab qazandırmaq üçün övladını da özü ilə Həccə aparmaq istəyirsə, bu halda uşağın Həcci qəbuldur və uşaq buna görə savab qazanır. Bu, əksər alimlərin rəyidir və dəlil olaraq, aşağıdakı hədis göstərilir:
İbn Abbas (Allah ondan razı olsun) rəvayət edir ki, Allah Rəsulu (səllallahu aleyhi və səlləm) əl-Rauhadan olan çaparları görür və soruşur:"Bunlar kimdir?". Onlar: "Müsəlmanlar" cavabını verir, sonra isə soruşurlar:"bəs siz?" O:"Allah Rəsulu". (Aralarından) bir qadın uşağı qaldıraraq soruşur:"Buna Həcc varmı?" O (səllallahu aleyhi və səlləm) cavab verir:"Hə, sən də mükafatlanacaqsan".
Müslim 1336

Əlavə məlumat üçün "Mənasiq əs Subayyan", səh 6-ya baxmaq olar.
_________________


İnsanları zikr etməkdənsə, Allahı zikr edin.