Hicab geyməyən qadınların əsassız dəlilləri.

[Humeyra]

Hicab geyməyən qadınların əsassız dəlilləri.

Bacı nəsihəti:
Bir çox qızlar öz nəfslərinin istəklərinə uyaraq, İslamın buyurduğu xarici görünüşə uymamaq üçün özlərinə müxtəlif bəhanələr, "izahatlar" fikirləşib tapırlar. Onlar əsassız dəlillərlə, Allaha asi olmaqlarını təmizə çıxarmağa çalışsalar da, bilməlidirlər ki, bu kimi bəhanələr Allah tərəfindən qəbul olunmur. İnanan qız heç vaxt Allahın qəzəb və əzabına düçar olmaq istəməz, çünki o öz Rəbbini tanıyır və bilir ki, Allahın buyurduğu hər bir hökmdə yalnız insanların özü üçün bir xeyir, bir hikmət var. Ona görə də Allah və Onun Rəsulunun (səllallahu aleyhi və səlləm) buyurduqlarına qeydsiz-şərtsiz tabe olur.
Bu cür əsassız dəlillər içində daha aktual olanları inşaAllah cavablandıracağıq:

Birinci "dəlil": Qəlb təmizliyinin və gözəl niyyətin hicabı əvəz etməsi barədə.
Bir çox müsəlmanlar hicabdan söhbət gedərkən "əsas qəlbin təmiz olsun, qalanı boş şeydir" deyirlər. Əslində isə belə bir fikir kökündən əsassızdır. Belə ki, əgər qəlb həqiqətən təmizdirsə, heç ola bilməz ki, belə qəlb Allaha, Onun buyurduqlarına yönəlməsin.
Qəlbi həqiqətən gözəl olan insanın əməllərində də bu gözəllik özünü biruzə verir. Sizin doğmanızı - ananızı, atanızı söyən bir insan onları yaxud sizi qəlbən sevdiyini iddia etsə, siz ona nə dərəcədə inanarsınız?
Daxili gözəllik, böyük yaxud kiçik günah olmağından asılı olmayaraq, pis əməllərlə müşaiyət oluna bilməz. Çünki sırf psixoloji baxımdan bu qeyri-mümkündür.
Əgər kimsə deyirsə ki "mən öz qəlbimi düzəltmişəm və ruhən təmizlənmişəm", lakin bununla belə Allahın buyurduğu qanunlara zidd hərəkətlər edir, onun dedikləri yalandan başqa bir şey deyil. Belə insanın əməllərində şeytan ona başçılıq edir, ona görə ki, sözləri ilə əməlləri arasında ziddiyyət var.
Ey təkəbbürlü qadın! Sən iddia edirsən ki, qəlbən iman gətirmək Allahın səndən razı qalmağı üçün kifayətdir. Lakin əəslində sən yalnız özünü aldadırsan. Əməllərində Allahın yad kişilər qarşısında öz gözəlliyini nümayiş etdirməmək barədə əmrinə müxalif çıxaraq Allahı razı saldığını düşünmək məgər absur deyilmi?
"Evlərinizdə qərar tutun! İlk cahiliyyə dövründə olduğu kimi açıq-saçıq gəzməyin."
(Quran, Əzhab, 33)
_________________