İmanın faydaları və səmərələri

[Afriya]

İmanın faydaları və səmərələri

Səhih və səmimi bir imanın həm dünya həyatında həm də axirət həyatında faydaları və səmərələri vardır. Bunlardan bəzilərini sizlərə təqdim edirik:

İman əhli Allahın dostluğuna nail olan bəxtiyarlardır. Allah təala buyurur: "Allah (Ona) iman gətirənlərin dostudur, onları zülmətdən çıxarıb işığa tərəf yönəldər. Kafirlərin dostu isə Taqutdur (şeytanlardır). Onları (kafirləri) nurdan ayırıb zülmətə salarlar. Onlar cəhənnəmlikdirlər və orada həmişəlik qalacaqlar!» . (əl-Bəqərə, 257)

[Afriya]

İman əhli gözəl bir həyatın səadətini yaşayırlar. Allah təala buyurur: "Mömin olub yaxşı işlər görən (Allaha itaət edən) kişi və qadına (dünyada və axirətdə) xoş həyat nəsib edəcək və etdikləri yaxşı əməllərə görə mükafatlarını verəcəyik. (Və ya gördükləri yaxşı işlərin müqabilində onlara daha yaxşı mükafatlarını verəcəyik!)» . (ən-Nəhl, 97)

[Afriya]

İman əhlini Allah da sevir, möminlər də sevir. Allah təala buyurur: "Həqiqətən, iman gətirib yaxşı işlər görənlər üçün Rəhman (ürəklərdə) bir sevgi yaradacaq. (Allah həm özü onları dost tutacaq, həm də onların məhəbbətini hamının, o cümlədən möminlərin qəlbinə salacaqdır)» . (Məryəm, 96)

[Sələfi]

İman - Qəlblə etiqad edib, dillə demək və əzalarla bunu yerinə yetirməkdir. İman, itaət etməklə artar və asi olmaqla azalar.

[Afriya]

İman əhlini Allah qoruyur. "Şübhəsiz ki, Allah iman gətirən kəslərdən (kafirlərin əzab-əziyyətini) dəf edər. Allah, həqiqətən, heç bir xaini, nankoru sevməz!╩ . (əl-Həcc, 38)

[Afriya]

İman əhli üçün dünya və axirətdə müjdələr var. "Bilin ki, Allahın dostlarının heç bir qorxusu yoxdur və onlar qəm-qüssə görməzlər. O kəslər ki, iman gətirmiş və pis əməllərdən çəkinmişlər - Onlara dünyada da, axirətdə də müjdə vardır. Allahın sözləri (verdiyi vədlər) heç vaxt dəyişməz. Bu, böyük qurtuluşdur (uğurdur)!╩ . (Yunus, 62-64)

[Afriya]

İman əhlinin bəla və müsibətlər qarşısındakı ən böyük təsəlliləri yenə də imandır.
Allah təala buyurur: "Allahın izni olmadıqca (heç kəsə) heç bir müsibət üz verməz. Kim Allaha iman gətirsə, (Allah) onun qəlbini haqqa doğru yönəldər. (O, dünyada baş verən hər şeyin Allahın əzəli hökmü və izni ilə olduğunu bilər). Allah hər şeyi (keçmişi, indini və gələcəyi) biləndir!» . (ət-Təğabun, 11)

[Afriya]

İman əhli əmin-amanlıq və rahatlıq içərisindədirlər. Allah təala Peyğəmbəri İbrahimdən aleyhissəlam bəhs edərkən belə buyurur: "Allahın sizə (ibadət edilməsi barədə) heç bir dəlil endirmədiyi bütləri Ona şərik qoşmaqdan qorxmadığınız halda, mən niyə sizin qoşduğunuz şəriklərdən qorxmalıyam? Əgər bilirsinizsə, (deyin görək) bu iki dəstədən hansı (qiyamət əzabından) əmin olmağa daha layiqdir? İman gətirib imanlarını zülmə qatışdırmayanlar əmin-amanlıqdadırlar. Haqq yola yönəlmişlər də onlardır!» . (əl-Ənam, 81-82)

[Afriya]

İman əhli imanlarına tərəf qaçarlar və başlarına gələn hər cür yaxşılıq və pislikdə, itaət və asilikdə, asanlıq və çətinlikdə güc və qüvvə tapırlar. Allah təala buyurur: "O kəslər ki, xalq onlara: “Camaat (Əbu Süfyan və tərəfdarları) sizə qarşı (qüvvə) toplamışdır, onlardan qorxun!" - dedikdə, (bu söz) onların imanını daha da artırdı və onlar: “Allah bizə bəs edər. O nə gözəl vəkildir!" – deyə cavab verdilər» . (Ali-İmran, 173)

[Afriya]

İman əhli öyüd və nəsihətlərdən faydalanırlar. Allah təala buyurur: "Bir surə nazil edildiyi zaman onlardan (münafiqlərdən): “Bu sizin hansınızın imanını artırdı?" – deyənlər də var. Möminlərə gəlincə, (hər bir surə) onların imanını artırar və onlar (bu surələrin nazil olmasına) sevinərlər. Qəlblərində mərəz (şəkk-şübhə, nifaq) olanlara gəldikdə isə, (hər bir surə) onların murdarlığı (küfrə, nifaqı) üstünə bir murdarlıq da gətirər və onlar kafir olaraq ölərlər!» . (ət-Tovbə, 124-125)