Azərbaycanda hicablı qadınların bir çox hüquqları pozulur

[ya islam ya olum]

Şəxsiyyət vəsiqəsi ala bilməmələri onları bir çox hüquqlardan məhrum edir

Azərbaycanda hicablı xanımların sənəd almasında yaranmış problem hələ də həllini gözləyir. Baş örtülü xanımlarımız şəxsiyyət vəsiqəsi əldə edə bilmədiklərindən gündəlik həyatda daim maneələrlə üzləşdiklərini etiraf edirlər. Hicablı qadın Sadə Əliyevanın sözlərinə görə, ailə qurarkən rəsmi nigah üçün qeydiyyata düşə bilməyib: «Çünki, şəxsiyyət vəsiqəm yox idi. Seçkilərdə də iştirak edə bilmirik. Yoldaşımın evinə qeydiyyata düşə bilmirəm. Yəni bir çox hüquqlarımdan məhrum olmuşam».
«Biz istəmirik ki, Azərbaycandakı hicablı qadınların şəxsiyyət vəsiqəsi ilə bağlı problem Avropa Məhkəmələrinin müzakirə mövzusuna çevrilsin. Elə bu səbəbdən də ümid edirik ki, məsələ Azərbaycan daxilində öz həllini tapacaq»,- deyə Dini Etiqad və Vicdan Azadlıqlarının Müdafiə Mərkəzinin (DEVAMM) sədri İlqar İbrahimoğlu ANS-ə müsahibəsində belə deyib. Hicablı xanımlara şəxsiyyət vəsiqəsi üçün başı bağlı şəkil çəkdirməyə imkan verilməməsini onların vətəndaş hüquqlarının pozulması kimi qiymətləndirən hüquq müdafiəçisinin sözlərinə görə, bu istiqamətdə 9 il ərzində aparılan mübarizə hələ ki, nəticəsizdir: «Sovet dövründə pasportlarda inanclı xanımların hicablı şəkilləri var idi. Sovet dağılandan sonra milli müstəqil dövlətimizin pasportlarında bizi öz inancımıza qarşı getməyə məcbur edirlər».
Baş örtüyü hüququ üzrə ekspert Humay Həsənova isə bildirib ki, hicablı qadınlar şəxsiyyət vəsiqəsi üçün sənəd şəkli çəkdirə bilmədiklərindən, onların rəsmi nigaha girməsi mümkün olmur. Hətta həmin qadınların dünyaya gələn övladı qeyri-qanuni sayılır.
Daxili İşlər Nazirliyindən isə bildiriblər ki, bu məsələ qanunvericiliyə uyğun həllini tapmalıdır. Qurumun mətbuat xidmətindən verilən məlumata görə, nazirlik sadəcə icraedici orqandır və əgər qanuna dəyişiklik edilərsə, Daxili İşlər Nazirliyi buna əməl edəcək.
Qeyd edək ki, Azərbaycanda hicablı xanımların sənəd almasında yaranmış problemin əsas səbəbi vətəndaşların şəxsiyyət vəsiqəsi haqqında qanununun bəzi müddəalarıdır. Sənədə görə, 16 yaşına çatmış vətəndaş şəxsiyyət vəsiqəsini almaq üçün papaqsız, gündəlik həyatda ona xas olan görkəm və əlamətlərlə, yalnız öndən görünüşü təsvir olunmuş fotoşəkil təqdim etməlidir. Bu yerdə hicab da papağ kimi öndən görünüşü əngəlləyən amil olduğundan, onunla da şəkil çəkdirmək qadağandır.

- Yerləşdirilən şkil müsəlman qadının hicabını əks etdirməkdən çox, cahil, koket qadının geyim tərzinə bənzədiyindən forumun qaydalarına müvafiq olaraq, silinmişdir. Diqqətli olmağınız və qaydaları bir də nəzərdən keçirməyiniz tövsiyyə olunur.

Bacilar buyrun sizde bu meselede nece prablemlerle uzlesirsiniz bizle paylasin.
_________________
Deqiq qerezsiz vicdanli.Xeberden xeberiniz olsun.

[ya islam ya olum]

Salam aleykum.

Bacilar siz bele prablemleri nece hell edirsiniz buyrun cavablariniuzi gozleyirik.

Salam aleykum
_________________
Deqiq qerezsiz vicdanli.Xeberden xeberiniz olsun.