Həqiqi müsəlman necə olmalı?

Həqiqi müsəlman, qul (bəndə) olduğunu bilir və qulluq (bəndəlik) vəzifələrini qüsursuz etməyə çalışır. Heç ölməyəcəkmiş kimi dünya, sabah isə öləcəkmiş kimi axirət üçün çalışır. Ailə-uşağını əxlaqlı və örnək (nümunəvi) bir müsəlman kimi yetişdiri, onlara Allah sevgisini, peyğəmbır sevgisini Qurani Kərim oxumasını öyrədir və təhsil almasına imkan yaradır. Yalnız qohum-əqrabası, dost və qonçuları ilə deyil, bütün insanlarla xoş davranır.

Həqiqi müsəlman dinin incəliklərini öyrənir, nemətlərə şükr edir, yediyi-içdiyi hamısı halaldır, heç kimin malına, canına, namusuna göz dikməz. Haqq yeməz, kimsəyə pislik etməz, ona pislik edənlərə səbr edər. Xəyanətin nə olduğunu bilməz. Həsəd edici qisqanc və təkəbbürlü deyildir. Bilərək və ya bilməyərək bir günah etsə dərhal tövbə edər. Böyüklərinə, ölmüş olan möminlərə, dostlarına və ailə, uşaqlarına həmişə dua edər.

Həqiqi müsəlman işlərinə son dərəcə diqqətlidir. Zamanını boş keçirməz,çalıçar.Fəqət ruzinin Allah Təaldan gəldiyini bilir. Boyun olduğu işi zamanında edər. Qul haqqından çox qorxar. Qüsurları əhf edər, sirləri ifşa etməz gizləyər. Heç vaxt zərərli söz söyləməz, yazmaz və oxumaz. Heç kimlə münaqişə etməz və qəlbini qırmaz.
Allah bizi həqiqi müsəlmanlardan etsin. Amin