Allaha tərəf çağıran, yaxşı iş görən və:
“Həqiqətən, mən müsəlmanlardanam!”
– deyən kəsdən daha gözəl söz deyən kim ola bilər?

Fussilət, 33

Şübhəsiz ki, bu açıq bir imtahandır və ona böyük bir qurbanı fidyə verdik.

(Saffat, 106-107)


Səhabələrdən bəziləri dedilər ki: "Ya Rəsulullah bu kəsilən qurbanlar nədir?" Rəsul cavab verdi ki: "Bu, atanız İbrahimin sünnətidir"

(Əl Hakim)


Qurban, insanlığa varlıq iyerarxiyasını anladan bir simvoldur

(Hikmətli sözlər)

ŞABAN – RAMAZANA HAZIRLIQ AYIDIR

[ Digər günlər / 2866 dəfə baxılıb ]   
|
 
Bütün islam aləminə məlumdur ki, qarşıdan Ramazan ayı gəlir. Müqəddəs sayılan bu mövsüm, Allahın ona yaxınlaşmaq istəyən qulları üçün bir fürsətdir. Ramazan, ibadətlərin qarşılığında savabların yüksək faizlə verildiyi və Allaha yaxınlaşmaq üçün bütün yolların asanlaşdırıldığı bir aydır. Allahu Təala əzəldən, hər şeyi yaradandan ilin 12 ayının bir ayını bu cür xüsusiləşdirdi.

12 aydan ibarət olan ilin bir ayı Ramazan mövsümü üçün xüsusiləşdirilib ki, Allahu Təalanın rəhməti, bərəkəti və lütfü Ona itaət edənlərə daha bol olsun.

Ramazan ayında Allah rizası üçün görülən əməllərin savabları qat-qat artıq verilir. Peyğəmbərimizdən (s.a.s) rəvayət olunur ki, belə buyurub: «Kim onda (Ramazan ayında) könüllü olaraq bir xeyir iş görərsə, sanki başqa aylarda fərz əməl görmüş kimi olar. Kim onda (Ramazanda) bir fərzi edərsə, sanki başqa aylarda 70 fərzə əməl edib.»

Bu ayda görülən bütün ibadət və fərz əməllərinin savabı, başqa ayda görülənlərdən fərqli və üstündür. Xeyir əməllər isə məhdudiyyətsizdir. Camaatın istifadə etdiyi yolda əziyyət verən bir şeyi təmizləmək, insanlara daim təbəssümlə yanaşmaq, gözəl bir söz və ifadə, kimisə pislikdən çəkindirmə və ya kiməsə yaxşılıq etmək, kömək etmək, yoxsula əl tutmaq, başına iş gələnə dəstək olmaq, ərsiz qadınların problemlərini həll etmək, yetimə əl tutmaq, ata-ananın qayğısına qalmaq və sair kimi milyonlarla işlər xeyir əməllərə daxildir. Bu əməllərdən hər birini bircə dəfə etdikdə, sanki bir fərzi həyata keçirmişsən kimi savab qazana bilərsən. İndi təsəvvür et ki, sən Ramazanda hər fərz namazına, zəkata, Quran oxumağa və oruca görə nə qədər savab mükafat ala bilərsən?!

Hər hansı bir böyük və əhəmiyyətli işə və ya layihəyə başlamamışdan, ona qabaqcadan ciddi hazırlaşırsan, lazımi tədbirlər görürsən və öncədən edəcəyin işləri məşq edirsən. Yaxud götürək hər hansı idman oyunu komandasını, yarışa getməmişdən bir müddət əvvəl məşqlər keçirir, ciddi hazırlıqlar görür və məhz qələbəni əldə etmək üçün ən yüksək xal qazanmağı planlaşdırır. Buna, savaşa hazırlanan ordunu da misal gətirmək olar.

Məsələn, fərz namazlarından əvvəl Peyğəmbərimizin (s.a.s) sünnət namazlarına əhəmiyyət verməsini və bizə də bunu tövsiyə etdiyini bilirik. Bu sünnət namazları, fərz namazlarına hazırlaşmaq və daha ciddi yanaşmaq üçündür.

Peyğəmbərimiz (s.a.s) fərz sayılan Ramazan ayının orucu üçün də, öncədən tədbirlər və hazırlıqlar etməyi buyurub. O, (s.a.s) özü bu hazırlıqları həyata keçirərək müsəlmanlara göstərib və sanki onların əlindən tutub hazırlıq məşqələlərinə aparıb və onların nəfsini daxildən tərbiyə edib.

Ramazan ayından əvvəl Şaban ayı gəlir və məhz bu ayda Peyğəmbərimiz (s.a.s) Ramazan ayı orucları üçün özünü hazırlayardı. O (s.a.s), Şaban ayında çoxlu oruc tutardı. Məlumdur ki, Ramazan ayında yalnız orucla kifayətlənmirik, bundan əlavə gecə namazlarına qalxırıq, Qurani Kərim oxuyuruq. Məhz o əməllərə də indidən hazırlıqlar görmək lazımdır ki, Ramazan ayı daxil olduqda birdən-birə ağır ibadətlərə başlayıb, bir həftə sonra yorulub əldən düşməyək.
|
  
 
 

 ayə(lər)

 nə axtarırsınız?

 
FƏCR [ 2 rükət ]05:51
GÜNƏŞ07:22
ZÖHR [ 4 rükət ]12:54
ƏSR [ 4 rükət ]15:58
MƏĞRİB [ 3 rükət ]18:26
İŞA [ 4 rükət ]19:52
GECƏYARI00:08
Aylıq təqvim

«Çünki namaz möminlərə müəyyən vaxtlarda fərz edilmişdir»
[ ən-Nisa, 103 ]
VideoTube
Audioteka